真係緣份黎嘅，拍攝《兒女》對我黎講係好重要嘅經歷，係我生命裏面重要嘅事。
多謝Francis成日咁照顧我，好彩有你介紹我去casting，我先識到陳小娟。
多謝陳小娟寫左呢個劇本，多謝你信任我，等我可以有機會觀照自己這些年走過嘅路，無論係作為演員，定作為一個人，經過咁多年之後，我宜家變成一個點嘅人。
Paco你係一個好好嘅演員，好好嘅對手，多謝你帶住我經歷呢件事，令我可以喺鏡頭前釋懷，喺螢幕裏分享我嘅感覺。
突然諗起一件事，我記得喺學校果陣，有一個我覺得好有才華嘅師兄講過一句說話，解答左我糾結左好耐嘅問題，佢話：「電影係要黎保護一啲無勇氣傷心嘅人。」
唔係所有人都有得選擇，喺我有限可以選擇嘅時間內面，我想選擇做我相信嘅事。
#freshwave#兒女#actor#hkactor#director#好長氣#唔講訓唔著#講左都係訓唔著
Search